Гэтай ноччу расійскі ўдарны дрон з фугаснай баявой часткай ударыў у «Сховішча» — купал, узведзены над разбураным 4-га энергаблокам Чарнобыльскай атамнай станцыі.
У выніку атакі сховішча на ЧАЭС атрымала пашкоджанні. Пажар быў ліквідаваны, паведаміў Уладзімір Зяленскі ў сваім тэлеграм-канале.
Радыяцыйны фон пакуль не павышаўся, яго пастаянна манітораць. Але першыя ацэнкі паказваюць, што пашкоджанні канструкцыі сур’ёзныя.
На сустрэчы з журналістамі ў Мюнхене прэзідэнт Зяленскі паведаміў, што дрон, які сёння трапіў у саркафаг на Чарнобыльскай АЭС, ляцеў на вышыні 85 метраў, на якой радары не могуць яго адсочваць. Паводле яго слоў, гэта зрабілі наўмысна менавіта ў дзень Мюнхенскай бяспекавай канферэнцыі.
Абарончую абалонку над 4-м энергаблокам Чарнобыля пабудавалі з фінансавай дапамогай Еўрасаюза. Яна ўяўляе сабой гіганцкі купал, які абараняе разбураны рэактар аб атмасферных ападкаў і не дае радыеактыўным часціцам з яго разлятацца і расплывацца. Пры разбурэнні абалонкі выкіды радыяцыі будуць пагражаць найперш Гомельскай вобласці Беларусі, але радыеактыўныя часціцы будуць разлятацца па ўсім рэгіёне.
Каментары
Россияне не хотят нормально жить сами и не хотят, чтобы другие, особенно соседи, жили нормально.