У Гомелі маршрутка ўрэзалася ў прыпаркаваны аўтамабіль, пацярпелі чатыры чалавекі
Здарэнне адбылося 9 мая.
40‑гадовы кіроўца ехаў па вуліцы Мазурава з боку вуліцы Каменшчыкава. Паводле папярэдняй інфармацыі, ён адцягнуўся ад кіравання і ўрэзаўся ў прыпаркаваны аўтамабіль Dongfeng.
У выніку сутыкнення пасажыркі маршрутнага аўтобуса — 67-гадовая, 37‑гадовая і 20‑гадовая жанчыны, а таксама 16‑гадовая дзяўчына — атрымалі траўмы.
Пацярпелых даставілі ў бальніцу. Пасля агляду іх адпусцілі дадому.