U Homieli maršrutka ŭrezałasia ŭ pryparkavany aŭtamabil, paciarpieli čatyry čałavieki
Zdareńnie adbyłosia 9 maja.
40‑hadovy kiroŭca jechaŭ pa vulicy Mazurava z boku vulicy Kamienščykava. Pavodle papiaredniaj infarmacyi, jon adciahnuŭsia ad kiravańnia i ŭrezaŭsia ŭ pryparkavany aŭtamabil Dongfeng.
U vyniku sutyknieńnia pasažyrki maršrutnaha aŭtobusa — 67-hadovaja, 37‑hadovaja i 20‑hadovaja žančyny, a taksama 16‑hadovaja dziaŭčyna — atrymali traŭmy.
Paciarpiełych dastavili ŭ balnicu. Paśla ahladu ich adpuścili dadomu.