Урад рэзка павялічыў вывазныя мыты на нафтапрадукты. Рост больш чым у 25 разоў
У Беларусі рэзка павялічылі вывазныя мыты на некаторыя нафтапрадукты. Адпаведную пастанову падпісаў прэм’ер-міністр Аляксандр Турчын, яна апублікаваная на Нацыянальным прававым партале.
Мазырскі НПЗ. Здымак ілюстрацыйны
Паводле новага рашэння, мыта на вываз звадкаваных газаў вырасла больш як у 25 разоў — з 5,2 да 131,6 даляра за тону. Для этану, бутану і ізабутану стаўка таксама значна павялічылася — з 4,6 да 118,4 даляра за тону. Новыя правілы пачалі дзейнічаць з 1 мая, хоць сам дакумент ухвалілі 7 мая.
Да красавіка 2026 года ў Беларусі ўвогуле не было вывазных мытаў на нафтапрадукты. Іх вярнулі ў сярэдзіне красавіка, а цяпер істотна паднялі стаўкі.
Такія меры ўлады звычайна выкарыстоўваюць, каб абмежаваць экспарт і падтрымаць унутраны рынак. Калі мыты высокія, кампаніям становіцца менш выгадна прадаваць паліва за мяжу, таму яны больш пастаўляюць яго ўнутры краіны. Гэта можа дапамагчы пазбегнуць дэфіцыту і стрымаць рост цэнаў на бензін і дызель.
Таксама павышэнне мытаў павінна стымуляваць перапрацоўку нафты ў Беларусі замест продажу сыравіны або мазуту за мяжу.
Чытайце таксама:
АЗС выступілі супраць рэгулявання цэн у сваіх крамах на запраўках
Кіроўца выпадкова заправіў поўны бак, а цяпер хоча вярнуць свае грошы. Ці мае ён рацыю?
У санкцыйны спіс ЕС уключылі Беларускую нафтавую кампанію і «Волат-Санцзян»