У ДАІ не згодныя, што «табло ганьбы» на дарогах парушае законы аб персанальных даных
Нацыянальны цэнтр абароны персанальных даных нядаўна паставіў пад сумнеў законнасць працы новай інтэлектуальнай сістэмы ДАІ, якая публічна дэманструе рэгістрацыйныя нумары аўтамабіляў-парушальнікаў на прыдарожных табло. У ДАІ з прэтэнзіямі не згодныя, піша sb.by.
Як адзначылі ў Галоўным упраўленні ДАІ МУС, згодна з пастановай Савета Міністраў № 691 ад 28 лістапада 2025 года «Аб дзяржаўнай рэгістрацыі транспартных сродкаў», рэгістрацыйны знак — выраб, які змяшчае індывідуальнае літарна-лічбавае абазначэнне, што прысвойваецца транспартнаму сродку, і выраблены ў адпаведнасці з патрабаваннямі абавязковых для выканання тэхнічных нарматыўных прававых актаў.
Рэгістрацыйны нумар патрэбен для таго, каб ідэнтыфікаваць транспартны сродак для ўдзелу ў дарожным руху. Зыходзячы з пастановы Савета Міністраў № 691, рэгістрацыйны нумар не з’яўляецца персанальнымі данымі. Таму парушэнняў закона, маўляў, няма.
Чытайце таксама:
Новыя камеры ў Мінскай вобласці цяпер выводзяць парушэнні і нумар аўто на табло на трасе
Цэнтр абароны персанальных звестак лічыць, што ДАІ з «табло ганьбы» парушае закон
У Мінску пачалі працаваць камеры для кантролю хуткасці электрасамакатаў