U DAI nie zhodnyja, što «tabło hańby» na darohach parušaje zakony ab piersanalnych danych
Nacyjanalny centr abarony piersanalnych danych niadaŭna pastaviŭ pad sumnieŭ zakonnaść pracy novaj intelektualnaj sistemy DAI, jakaja publična demanstruje rehistracyjnyja numary aŭtamabilaŭ-parušalnikaŭ na prydarožnych tabło. U DAI z pretenzijami nie zhodnyja, piša sb.by.
Jak adznačyli ŭ Hałoŭnym upraŭleńni DAI MUS, zhodna z pastanovaj Savieta Ministraŭ № 691 ad 28 listapada 2025 hoda «Ab dziaržaŭnaj rehistracyi transpartnych srodkaŭ», rehistracyjny znak — vyrab, jaki źmiaščaje indyvidualnaje litarna-ličbavaje abaznačeńnie, što prysvojvajecca transpartnamu srodku, i vyrableny ŭ adpaviednaści z patrabavańniami abaviazkovych dla vykanańnia techničnych narmatyŭnych pravavych aktaŭ.
Rehistracyjny numar patrebien dla taho, kab identyfikavać transpartny srodak dla ŭdziełu ŭ darožnym ruchu. Zychodziačy z pastanovy Savieta Ministraŭ № 691, rehistracyjny numar nie źjaŭlajecca piersanalnymi danymi. Tamu parušeńniaŭ zakona, maŭlaŭ, niama.
Čytajcie taksama:
Novyja kamiery ŭ Minskaj vobłaści ciapier vyvodziać parušeńni i numar aŭto na tabło na trasie
Centr abarony piersanalnych źviestak ličyć, što DAI z «tabło hańby» parušaje zakon
U Minsku pačali pracavać kamiery dla kantrolu chutkaści elektrasamakataŭ