Іран адмовіўся весці перамовы з ЗША без выканання пяці ўмоў
Менавіта гэтыя патрабаванні Тэгеран накіраваў Вашынгтону ў адказ на амерыканскі план з 14 пунктаў.
Фота: Majid Saeedi / Getty Images
Іран не будзе ўступаць у другі раўнд перамоў з ЗША без выканання імі «пяці ўмоў умацавання даверу». Пра гэта піша іранскае дзяржаўнае агенцтва Fars.
Паводле інфармацыі крыніцы агенцтва, менавіта гэтыя патрабаванні Тэгеран накіраваў Вашынгтону ў адказ на амерыканскі план з 14 пунктаў.
Сярод умоў: спыненне вайны на ўсіх франтах, зняцце санкцый, разблакаванне замарожаных іранскіх сродкаў, кампенсацыя шкоды, нанесенай вайной, а таксама прызнанне суверэнітэту Ірана над Армузскім пралівам.
Выкананне гэтых патрабаванняў неабходнае для стварэння «мінімальнага ўзроўню даверу» паміж бакамі, паведаміла крыніца дзяржаўнага агенцтва.