Iran admoviŭsia vieści pieramovy z ZŠA biez vykanańnia piaci ŭmoŭ
Mienavita hetyja patrabavańni Tehieran nakiravaŭ Vašynhtonu ŭ adkaz na amierykanski płan z 14 punktaŭ.
Fota: Majid Saeedi / Getty Images
Iran nie budzie ŭstupać u druhi raŭnd pieramoŭ z ZŠA biez vykanańnia imi «piaci ŭmoŭ umacavańnia davieru». Pra heta piša iranskaje dziaržaŭnaje ahienctva Fars.
Pavodle infarmacyi krynicy ahienctva, mienavita hetyja patrabavańni Tehieran nakiravaŭ Vašynhtonu ŭ adkaz na amierykanski płan z 14 punktaŭ.
Siarod umoŭ: spynieńnie vajny na ŭsich frantach, źniaćcie sankcyj, razbłakavańnie zamarožanych iranskich srodkaŭ, kampiensacyja škody, naniesienaj vajnoj, a taksama pryznańnie suvierenitetu Irana nad Armuzskim pralivam.
Vykanańnie hetych patrabavańniaŭ nieabchodnaje dla stvareńnia «minimalnaha ŭzroŭniu davieru» pamiž bakami, paviedamiła krynica dziaržaŭnaha ahienctva.