У Мінску закладаюць «Качыны востраў»
Недалёка ад станцыі метро «Каменная Горка» ў Мінску з’явіцца новая зялёная зона адпачынку пад назвай «Качыны востраў». Яе плануюць стварыць у скверы каля вуліцы Брыкета, піша Blizko.by.
Асноўнай часткай праекта стане вадаём і клопат пра яго жыхароў. У новым скверы з’явяцца спецыяльныя хаткі для качак і для вавёрак, а таксама плывучыя кветнікі, якія дапамагаюць ачышчаць ваду.
Для наведвальнікаў прадугледжваюць кальцавы пешаходны маршрут, назіральныя пляцоўкі, пірсы і перголы, адкуль можна будзе назіраць за птушкамі і адпачываць на прыродзе.
Акрамя гэтага, у зоне адпачынку зробяць дзіцячую пляцоўку ў экалагічным стылі і воркаўт-зону для заняткаў спортам.
Улады Фрунзенскага раёна адзначаюць, што праект павінен зрабіць Мінск яшчэ больш экалагічным і камфортным для адпачынку гараджан.
Чытайце таксама:
Пад Мінскам будуюць цяпліцы памерам у 8 футбольных палёў
У Мінску зносяць «Вёску навукоўцаў». На яе месцы вырасце прэстыжны ЖК
Як ідзе будаўніцтва падземнага перахода на Арлоўскай у Мінску
Зноў адкрыецца гатэль «Пекін», які не працаваў з пачатку года