U Minsku zakładajuć «Kačyny vostraŭ»
Niedaloka ad stancyi mietro «Kamiennaja Horka» ŭ Minsku źjavicca novaja zialonaja zona adpačynku pad nazvaj «Kačyny vostraŭ». Jaje płanujuć stvaryć u skviery kala vulicy Brykieta, piša Blizko.by.
Asnoŭnaj častkaj prajekta stanie vadajom i kłopat pra jaho žycharoŭ. U novym skviery źjaviacca śpiecyjalnyja chatki dla kačak i dla vaviorak, a taksama płyvučyja kvietniki, jakija dapamahajuć ačyščać vadu.
Dla naviedvalnikaŭ praduhledžvajuć kalcavy piešachodny maršrut, naziralnyja placoŭki, pirsy i pierhoły, adkul možna budzie nazirać za ptuškami i adpačyvać na pryrodzie.
Akramia hetaha, u zonie adpačynku zrobiać dziciačuju placoŭku ŭ ekałahičnym styli i vorkaŭt-zonu dla zaniatkaŭ sportam.
Ułady Frunzienskaha rajona adznačajuć, što prajekt pavinien zrabić Minsk jašče bolš ekałahičnym i kamfortnym dla adpačynku haradžan.
Čytajcie taksama:
Pad Minskam budujuć ciaplicy pamieram u 8 futbolnych paloŭ
U Minsku znosiać «Viosku navukoŭcaŭ». Na jaje miescy vyraście prestyžny ŽK
Jak idzie budaŭnictva padziemnaha pierachoda na Arłoŭskaj u Minsku
Znoŭ adkryjecca hatel «Piekin», jaki nie pracavaŭ z pačatku hoda