У Маскве забаранілі публікаваць інфармацыю пра наступствы ўкраінскіх удараў — акрамя афіцыйнай
У Маскве ўводзяць абмежаванні на публікацыю інфармацыі і матэрыялаў пра наступствы ўкраінскіх атак, у тым ліку беспілотнікамі. Пра гэта паведамілі ў мэрыі расійскай сталіцы.
Здымак ілюстрацыйны. Фота: vecteezy.com
Улады Масквы заяўляюць, што такія меры прымаюцца для барацьбы з «фэйкамі» і распаўсюдам непацверджанай інфармацыі. Пры гэтым забарона не будзе тычыцца паведамленняў, якія афіцыйна публікуе Міністэрства абароны Расіі.
За парушэнне новых правілаў прадугледжаныя штрафы. Для звычайных грамадзян яны складуць ад 3 да 5 тысяч расійскіх рублёў, для службовых асоб — ад 30 да 50 тысяч, а для юрыдычных асоб — ад 50 да 200 тысяч рублёў.
Адпаведныя нормы замацаваныя ў артыкуле 15.5 Кодэкса Масквы аб адміністрацыйных правапарушэннях.
Чытайце таксама:
Гарыць нафтаперапампоўная станцыя ў Башкартастане
Сёння на Гомельшчыну заляцелі мінімум шэсць расійскіх беспілотнікаў
У акупаваным Крыме ўдарам беспілотніка забіла пяць расійскіх вайскоўцаў