U Maskvie zabaranili publikavać infarmacyju pra nastupstvy ŭkrainskich udaraŭ — akramia aficyjnaj
U Maskvie ŭvodziać abmiežavańni na publikacyju infarmacyi i materyjałaŭ pra nastupstvy ŭkrainskich atak, u tym liku bieśpiłotnikami. Pra heta paviedamili ŭ meryi rasijskaj stalicy.
Zdymak ilustracyjny. Fota: vecteezy.com
Ułady Maskvy zajaŭlajuć, što takija miery prymajucca dla baraćby z «fejkami» i raspaŭsiudam niepaćvierdžanaj infarmacyi. Pry hetym zabarona nie budzie tyčycca paviedamleńniaŭ, jakija aficyjna publikuje Ministerstva abarony Rasii.
Za parušeńnie novych praviłaŭ praduhledžanyja štrafy. Dla zvyčajnych hramadzian jany składuć ad 3 da 5 tysiač rasijskich rubloŭ, dla słužbovych asob — ad 30 da 50 tysiač, a dla jurydyčnych asob — ad 50 da 200 tysiač rubloŭ.
Adpaviednyja normy zamacavanyja ŭ artykule 15.5 Kodeksa Maskvy ab administracyjnych pravaparušeńniach.
Čytajcie taksama:
Haryć naftapierapampoŭnaja stancyja ŭ Baškartastanie
Siońnia na Homielščynu zalacieli minimum šeść rasijskich bieśpiłotnikaŭ
U akupavanym Krymie ŭdaram bieśpiłotnika zabiła piać rasijskich vajskoŭcaŭ