Музыку з Гомеля асудзілі да трох гадоў калоніі за «Гаюна»
Цімох Пугачоў працаваў у кампаніі па продажы музычнага абсталявання і граў у розных гуртах.
Цімафей Пугачоў. Фота з ягонай старонкі Укантакце
Цімафею Пугачову 30 гадоў, ён жыў у аграгарадку Прыбыткі Гомельскага раёна.
Хлопец любіць гісторыю, але галоўным яго захапленнем была музыка. Цімафей — барабаншчык, ён граў у розных калектывах і запісваў каверы. Яго праца таксама была наўпрост звязана з хобі: ён працаваў у гомельскай кампаніі «Саўнд-ЛД» (SoundLand), якая займаецца стварэннем і продажам прафесійнай гукавой апаратуры.
Па звестках праваабаронцаў, хлопца арыштавалі яшчэ 12 жніўня 2025 года. Яго судзілі ў Гомельскім абласным судзе паводле частак 1 і 2 артыкула 361‑4 КК, садзейнічанне экстрэмісцкай дзейнасці. Крымінальны пераслед хлопца звязана са справай «Гаюна».
29 студзеня 2026 года суддзя Сяргей Салоўскі вынес хлопцу прысуд (пракурор — Ягор Брэгід). Цімафея пакаралі 3 гадамі калоніі.
Чытайце таксама:
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію
Маладога дальнабойшчыка Дзяніса з-пад Чачэрска асудзілі па палітычнай справе
Былога вайскоўца, а цяпер электрамеханіка з Блудня асудзілі за «садзейнічанне экстрэмізму»