Muzyku z Homiela asudzili da troch hadoŭ kałonii za «Hajuna»
Cimoch Puhačoŭ pracavaŭ u kampanii pa prodažy muzyčnaha abstalavańnia i hraŭ u roznych hurtach.
Cimafiej Puhačoŭ. Fota ź jahonaj staronki Ukantakcie
Cimafieju Puhačovu 30 hadoŭ, jon žyŭ u ahraharadku Prybytki Homielskaha rajona.
Chłopiec lubić historyju, ale hałoŭnym jaho zachapleńniem była muzyka. Cimafiej — barabanščyk, jon hraŭ u roznych kalektyvach i zapisvaŭ kaviery. Jaho praca taksama była naŭprost źviazana z chobi: jon pracavaŭ u homielskaj kampanii «Saŭnd-ŁD» (SoundLand), jakaja zajmajecca stvareńniem i prodažam prafiesijnaj hukavoj aparatury.
Pa źviestkach pravaabaroncaŭ, chłopca aryštavali jašče 12 žniŭnia 2025 hoda. Jaho sudzili ŭ Homielskim abłasnym sudzie pavodle častak 1 i 2 artykuła 361‑4 KK, sadziejničańnie ekstremisckaj dziejnaści. Kryminalny pieraśled chłopca źviazana sa spravaj «Hajuna».
29 studzienia 2026 hoda sudździa Siarhiej Sałoŭski vynies chłopcu prysud (prakuror — Jahor Brehid). Cimafieja pakarali 3 hadami kałonii.
Čytajcie taksama:
Maładoha dalnabojščyka Dzianisa z-pad Čačerska asudzili pa palityčnaj spravie
Byłoha vajskoŭca, a ciapier elektramiechanika z Błudnia asudzili za «sadziejničańnie ekstremizmu»