Рубіа: Украінская армія цяпер самая баяздольная ў Еўропе
Дзяржаўны сакратар ЗША Марка Рубіа заявіў, што цяпер Узброеныя сілы Украіны сталі найбольш баяздольнай арміяй у Еўропе. Пра гэта ён сказаў у інтэрв’ю Fox News падчас візіту разам з прэзідэнтам ЗША Дональдам Трампам у Кітай.
Марка Рубіа. Фота: Chip Somodevilla/Getty Images
Паводле слоў Марка Рубіа, украінская армія атрымала вялікі баявы досвед за час вайны і нанесла расійскім войскам значныя страты. Ён адзначыў, што Расія штомесяц губляе ў некалькі разоў больш вайскоўцаў, чым Украіна, нягледзячы на большыя рэсурсы і колькасць насельніцтва.
Амерыканскі дыпламат падкрэсліў, што важную ролю ў гэтым адыграла міжнародная вайсковая дапамога, якую Украіна атрымлівае з пачатку поўнамаштабнага расійскага ўварвання. Разам з тым ён адзначыў і высокі ўзровень баявой падрыхтоўкі ўкраінскіх вайскоўцаў.
Рубіа таксама заявіў, што вайна прынесла велізарныя чалавечыя і эканамічныя страты абедзвюм краінам. Паводле яго слоў, Расія працягвае несці вялікія страты на фронце.
Акрамя гэтага, дзяржсакратар ЗША сказаў, што перамоўны працэс паміж Масквой і Кіевам апошнім часам запаволіўся, але Вашынгтон спадзяецца, што бакі ўсё ж вернуцца да перамоў.
Чытайце таксама:
Марка Рубіа паляцеў у Кітай у спартыўным касцюме, як у Мадура