Rubia: Ukrainskaja armija ciapier samaja bajazdolnaja ŭ Jeŭropie
Dziaržaŭny sakratar ZŠA Marka Rubia zajaviŭ, što ciapier Uzbrojenyja siły Ukrainy stali najbolš bajazdolnaj armijaj u Jeŭropie. Pra heta jon skazaŭ u intervju Fox News padčas vizitu razam z prezidentam ZŠA Donaldam Trampam u Kitaj.
Marka Rubia. Fota: Chip Somodevilla/Getty Images
Pavodle słoŭ Marka Rubia, ukrainskaja armija atrymała vialiki bajavy dośvied za čas vajny i naniesła rasijskim vojskam značnyja straty. Jon adznačyŭ, što Rasija štomiesiac hublaje ŭ niekalki razoŭ bolš vajskoŭcaŭ, čym Ukraina, niahledziačy na bolšyja resursy i kolkaść nasielnictva.
Amierykanski dypłamat padkreśliŭ, što važnuju rolu ŭ hetym adyhrała mižnarodnaja vajskovaja dapamoha, jakuju Ukraina atrymlivaje z pačatku poŭnamaštabnaha rasijskaha ŭvarvańnia. Razam z tym jon adznačyŭ i vysoki ŭzrovień bajavoj padrychtoŭki ŭkrainskich vajskoŭcaŭ.
Rubia taksama zajaviŭ, što vajna pryniesła vielizarnyja čałaviečyja i ekanamičnyja straty abiedźvium krainam. Pavodle jaho słoŭ, Rasija praciahvaje nieści vialikija straty na froncie.
Akramia hetaha, dziaržsakratar ZŠA skazaŭ, što pieramoŭny praces pamiž Maskvoj i Kijevam apošnim časam zapavoliŭsia, ale Vašynhton spadziajecca, što baki ŭsio ž viernucca da pieramoŭ.
Čytajcie taksama:
Marka Rubia palacieŭ u Kitaj u spartyŭnym kaściumie, jak u Madura