У Разані тры чалавекі загінулі і 12 пацярпелі ў выніку атакі беспілотнікаў
У выніку ўдараў былі пашкоджаныя два шматкватэрныя дамы.
Фота: Astra
У Разані тры чалавекі загінулі і 12 пацярпелі ў выніку атакі беспілотнікаў. Пра гэта паведаміў губернатар Павел Малкоў.
Паводле яго слоў, у выніку ўдараў былі пашкоджаныя два шматкватэрныя дамы, абломкі БПЛА таксама ўпалі на тэрыторыю аднаго з прамысловых прадпрыемстваў. Ён не стаў удакладняць, пра якое менавіта прадпрыемства ідзе гаворка.
Цэллю беспілотнікаў мог быць Разанскі НПЗ — адзін з найбуйнейшых у Расіі. У лістападзе 2025 года ён ужо прыпыняў працу праз украінскую атаку.
Паводле даных Astra, пашкоджанні атрымалі ЖК «Трыкалор» на Касімаўскай шашы, 67, корпус 3, а таксама дом па адрасе Навасёлаў, 42.