U Razani try čałavieki zahinuli i 12 paciarpieli ŭ vyniku ataki bieśpiłotnikaŭ
U vyniku ŭdaraŭ byli paškodžanyja dva šmatkvaternyja damy.
Fota: Astra
U Razani try čałavieki zahinuli i 12 paciarpieli ŭ vyniku ataki bieśpiłotnikaŭ. Pra heta paviedamiŭ hubiernatar Pavieł Małkoŭ.
Pavodle jaho słoŭ, u vyniku ŭdaraŭ byli paškodžanyja dva šmatkvaternyja damy, abłomki BPŁA taksama ŭpali na terytoryju adnaho z pramysłovych pradpryjemstvaŭ. Jon nie staŭ udakładniać, pra jakoje mienavita pradpryjemstva idzie havorka.
Cellu bieśpiłotnikaŭ moh być Razanski NPZ — adzin z najbujniejšych u Rasii. U listapadzie 2025 hoda jon užo prypyniaŭ pracu praz ukrainskuju ataku.
Pavodle danych Astra, paškodžańni atrymali ŽK «Trykałor» na Kasimaŭskaj šašy, 67, korpus 3, a taksama dom pa adrasie Navasiołaŭ, 42.