«Еўрабачанне» выйграла Балгарыя. Гэта першая перамога гэтай краіны ў гісторыі конкурсу
Журы і гледачы найбольш ацанілі танцавальны хіт.
Выступленне балгарскай поп-спявачкі Dara на «Еўрабачанні». Скрыншот эфіру
Фінал «Еўрабачання» прайшоў 16 мая ў Вене. Першае месца заняла Балгарыя. Гэта першая перамога гэтай краіны ў гісторыі конкурсу.
Спявачка Dara выступіла з танцавальнай песняй Bangaranga. Ад журы і гледачоў Балгарыя атрымала 516 балаў.
Dara стала вядомай на радзіме пасля ўдзелу ў балгарскім X Factor. Яе песня на «Еўрабачанні» пра моцную гераіню, якая кідае выклік правілам. З ямайскай мовы назва трэка перакладаецца як «бунт».
Топ-5 па выніках галасавання выглядае так:
- Балгарыя — 516 балаў
- Ізраіль — 343 балы
- Румынія — 296 балаў
- Аўстралія — 287 балаў
- Італія — 281 бал
Букмекеры прадракалі першае месца Фінляндыі — яна ў выніку стала шостай з 279 баламі.
Украіна на конкурсе заняла 9‑е месца. Польшча стала 12-й, а іншая наша суседка Літва таксама выйшла ў фінал і стала там 22-й.