«Jeŭrabačańnie» vyjhrała Bałharyja. Heta pieršaja pieramoha hetaj krainy ŭ historyi konkursu
Žury i hledačy najbolš acanili tancavalny chit.
Vystupleńnie bałharskaj pop-śpiavački Dara na «Jeŭrabačańni». Skrynšot efiru
Finał «Jeŭrabačańnia» prajšoŭ 16 maja ŭ Vienie. Pieršaje miesca zaniała Bałharyja. Heta pieršaja pieramoha hetaj krainy ŭ historyi konkursu.
Śpiavačka Dara vystupiła z tancavalnaj pieśniaj Bangaranga. Ad žury i hledačoŭ Bałharyja atrymała 516 bałaŭ.
Dara stała viadomaj na radzimie paśla ŭdziełu ŭ bałharskim X Factor. Jaje pieśnia na «Jeŭrabačańni» pra mocnuju hierainiu, jakaja kidaje vyklik praviłam. Ź jamajskaj movy nazva treka pierakładajecca jak «bunt».
Top-5 pa vynikach hałasavańnia vyhladaje tak:
- Bałharyja — 516 bałaŭ
- Izrail — 343 bały
- Rumynija — 296 bałaŭ
- Aŭstralija — 287 bałaŭ
- Italija — 281 bał
Bukmiekiery pradrakali pieršaje miesca Finlandyi — jana ŭ vyniku stała šostaj z 279 bałami.
Ukraina na konkursie zaniała 9‑ie miesca. Polšča stała 12-j, a inšaja naša susiedka Litva taksama vyjšła ŭ finał i stała tam 22-j.