У Мазырскім раёне на возеры патануў 15‑гадовы падлетак
У Мазырскім раёне вадалазы дасталі з вады цела загінулага падлетка. Трагедыя адбылася на возеры каля вёскі Дразды ў месцы, дзе купацца было забаронена.
Паводле папярэдняй інфармацыі, падлеткі адпачывалі на ўзбярэжжы вадаёма непадалёк ад вёскі. 15‑гадовы хлопец пайшоў купацца, скокнуў у ваду, аднак пасля гэтага так і не з’явіўся на паверхні.
Ратавальнікі дасталі цела загінулага хлопчыка на адлегласці каля 10 метраў ад берага. Глыбіня вадаёма ў гэтым месцы складала прыкладна 3 метры.