U Mazyrskim rajonie na voziery patanuŭ 15‑hadovy padletak
U Mazyrskim rajonie vadałazy dastali z vady cieła zahinułaha padletka. Trahiedyja adbyłasia na voziery kala vioski Drazdy ŭ miescy, dzie kupacca było zabaroniena.
Pavodle papiaredniaj infarmacyi, padletki adpačyvali na ŭźbiarežžy vadajoma niepadalok ad vioski. 15‑hadovy chłopiec pajšoŭ kupacca, skoknuŭ u vadu, adnak paśla hetaha tak i nie źjaviŭsia na pavierchni.
Ratavalniki dastali cieła zahinułaha chłopčyka na adlehłaści kala 10 mietraŭ ad bieraha. Hłybinia vadajoma ŭ hetym miescy składała prykładna 3 mietry.