Сацсеткі ў шоку, як выглядае Аляксандр Рыбак праз 17 гадоў пасля перамогі на «Еўрабачанні»
«Яго яўна замарозілі адразу пасля перамогі».
Скрыншоты з выступленняў на «Еўрабачанні»
На фінале «Еўрабачання», які прайшоў 16 мая, у адным з пазаконкурсных нумароў выступалі прызёры папярэдніх шоу. Адным з іх быў Аляксандр Рыбак — спявак беларускага паходжання, які ў 2009 годзе перамог на «Еўрабачанні», выступаючы за Нарвегію.
Многіх здзівіла, што за 17 гадоў Рыбак амаль не змяніўся. Сацсеткі захапляюцца і жартуюць.
«Я падумала, гэта відэа з 2009 года. Нуль змен у чалавека, замарозіўся».
«Недзе на гарышчы старыцца яго партрэт».
«Экалогія ў Нарвегіі добрая».
«Падкажыце, калі ласка, марку фармаліну, у якім марынуецца Рыбак».
«Яго яўна замарозілі адразу пасля перамогі».
«Яны з Джарэдам Лета адны і тыя ж вітаміны прымаюць».
Цяпер спеваку 40 гадоў, тады было 23.
Выступ Рыбака на «Еўрабачанні» ў 2009 годзе
Нумар з зоркамі «Еўрабачання» ў 2026-м
Спявак раней прызнаваўся, што пакутаваў на залежнасць ад снатворных і антыдэпрэсантаў, якія стаў прымаць, каб змагацца са стрэсам і бяссонніцай. Апошнія гады яго таксама пераследавала сталкерка. Летась яе затрымалі.
Чытайце таксама:
«Еўрабачанне» выйграла Балгарыя. Гэта першая перамога гэтай краіны ў гісторыі конкурсу