Галівудскі акцёр Джон Траволта, вядомы па ролі ў «Крымінальным чытве», уразіў сваім выглядам на Канскім кінафестывалі. Многія адзначаюць, што ён добра выглядае для сваіх 72 гадоў — стаў больш падцягнутым і маладжавым.
Траволта быў апрануты ў чорны касцюм-тройку з белай кашуляй і гальштукам, а на галаве — белы берэт.
На фотасесіі да свайго новага фільма Траволта з'явіўся ва ўсім чорным і таксама ў берэце.
Джон Траволта атрымаў у Канах ганаровую Залатую пальмавую галіну за ўклад у кінематограф. Траволта быў узрушаны гэтай нечаканасцю. «Поўны сюрпрыз!» — сказаў ён. — «Я не магу ў гэта паверыць».
У Каны ён прыехаў прадставіць прыгодніцкі фільм «Прапелер: начны рэйс у адзін канец» (Propeller One-Way Night Coach) — гэта рэжысёрскі дэбют Траволты. Фільм зняты пры падтрымцы Apple і заснаваны на аднайменнай дзіцячай кнізе акцёра 1997 года. Па сюжэце юны авіяаматар Джэф і яго маці адпраўляюцца ў пералёт праз усю краіну ў Галівуд, які змяняе іх жыццё. У фільме таксама здымаецца дачка Траволты, 26‑гадовая Эла Блю Траволта. Стужка выйдзе на стрымінгу Apple TV 29 мая.
Каментары