Выйшла кніга Макса Шчура «Раз'юшанасць і любоў»
У выдавецтве RozUM Media выйшла друкам найноўшая кніга лаўрэата прэміі Гедройця (2016) Макса Шчура «Раз'юшанасць і любоў».
Кніга — вольны працяг 900‑старонкавых успамінаў «Спроба экспэрымэнтальнага канструяваньня сябе» (SayBeat, 2025). Новы твор мае падтытул «Успаміны кліматычнага актывіста» і прысвечаны дзвюм рэвалюцыям 2019—2020 гадоў: кліматычнай і беларускай, піша «Будзьма».
Knihauka.com
Паводле аўтара, кніга ёсць увасабленнем «антылітаратуры». Праз адсутнасць часу на творчасць яна ўзнікла спосабам «ліхаманкавай фіксацыі вольнай плыні маўлення» на працягу 13 дзён студзеня 2026 года.
У кнізе 292 старонкі, яна праілюстраваная фатаздымкамі з архіву аўтара, утрымлівае мноства постпаэтычных тэкстаў і нецэнзурнай лексікі.
Старт продажаў кнігі «Раз'юшанасць і любоў» — у суботу 30 траўня аб 11‑й гадзіне на Варшаўскім кніжным кірмашы.
Але ўжо сёння яе можна набыць у асобных беларускіх кнігарнях
- Kirma.sh
- Primesbooks.pl
- «Букіністка»
- у тым ліку онлайн.