Vyjšła kniha Maksa Ščura «Raźjušanaść i luboŭ»
U vydaviectvie RozUM Media vyjšła drukam najnoŭšaja kniha łaŭreata premii Hiedrojcia (2016) Maksa Ščura «Raźjušanaść i luboŭ».
Kniha — volny praciah 900‑staronkavych uspaminaŭ «Sproba eksperymentalnaha kanstrujavańnia siabie» (SayBeat, 2025). Novy tvor maje padtytuł «Uspaminy klimatyčnaha aktyvista» i pryśviečany dźvium revalucyjam 2019—2020 hadoŭ: klimatyčnaj i biełaruskaj, piša «Budźma».
Knihauka.com
Pavodle aŭtara, kniha jość uvasableńniem «antylitaratury». Praz adsutnaść času na tvorčaść jana ŭźnikła sposabam «lichamankavaj fiksacyi volnaj płyni maŭleńnia» na praciahu 13 dzion studzienia 2026 hoda.
U knizie 292 staronki, jana prailustravanaja fatazdymkami z archivu aŭtara, utrymlivaje mnostva postpaetyčnych tekstaŭ i niecenzurnaj leksiki.
Start prodažaŭ knihi «Raźjušanaść i luboŭ» — u subotu 30 traŭnia ab 11‑j hadzinie na Varšaŭskim knižnym kirmašy.
Ale ŭžo siońnia jaje možna nabyć u asobnych biełaruskich kniharniach
- Kirma.sh
- Primesbooks.pl
- «Bukinistka»
- u tym liku onłajn.