Святлана Ціханоўская выказала салідарнасць з жыхарамі Літвы
Святлана Ціханоўская адрэагавала на інцыдэнт з беспілотнікам у Літве, заявіўшы, што Беларусь не павінна ўяўляць пагрозу для суседніх краін.
Святлана Ціханоўская. Фота: Omar Marques Anadolu via Getty Images
«Сёння мае думкі з усімі жыхарамі Вільні, якія былі вымушаныя шукаць прытулак праз папярэджанне пра беспілотнік. Гэта не тая будучыня, якой мы хочам для Еўропы.
Літва мне вельмі дарагая, як і многім беларусам, якія знайшлі там бяспеку, салідарнасць і дружбу.
Беларусь не павінна быць пагрозай для сваіх суседзяў або прыладай імперскай агрэсіі. Яна павінна быць свабоднай, суверэннай і крыніцай бяспекі для Еўропы», — напісала Ціханоўская ў Х.
20 мая зранку праз з’яўленне беспілотніка ў Літве была абвешчана паветраная трывога, у тым ліку ў Вільні. Часова спынялася праца аэрапорта. Пазней трывогу адмянілі, бо аб’ект знік з радараў. Што менавіта гэта быў за дрон і дзе ён падзеўся — пакуль невядома.
Чытайце таксама:
Ціханоўская: Лукашэнка вядзе Беларусь да вялікай бяды
Інфармацыю пра дрон, што заляцеў у Літву, перадаў Мінск
Кіраўніцтва Літвы таксама адвялі ў сховішчы