Śviatłana Cichanoŭskaja vykazała salidarnaść z žycharami Litvy
Śviatłana Cichanoŭskaja adreahavała na incydent ź bieśpiłotnikam u Litvie, zajaviŭšy, što Biełaruś nie pavinna ŭjaŭlać pahrozu dla susiednich krain.
Śviatłana Cichanoŭskaja. Fota: Omar Marques Anadolu via Getty Images
«Siońnia maje dumki z usimi žycharami Vilni, jakija byli vymušanyja šukać prytułak praz papiaredžańnie pra bieśpiłotnik. Heta nie taja budučynia, jakoj my chočam dla Jeŭropy.
Litva mnie vielmi darahaja, jak i mnohim biełarusam, jakija znajšli tam biaśpieku, salidarnaść i družbu.
Biełaruś nie pavinna być pahrozaj dla svaich susiedziaŭ abo pryładaj impierskaj ahresii. Jana pavinna być svabodnaj, suvierennaj i krynicaj biaśpieki dla Jeŭropy», — napisała Cichanoŭskaja ŭ Ch.
20 maja zranku praz źjaŭleńnie bieśpiłotnika ŭ Litvie była abvieščana pavietranaja tryvoha, u tym liku ŭ Vilni. Časova spyniałasia praca aeraporta. Paźniej tryvohu admianili, bo abjekt źnik z radaraŭ. Što mienavita heta byŭ za dron i dzie jon padzieŭsia — pakul nieviadoma.
Čytajcie taksama:
Cichanoŭskaja: Łukašenka viadzie Biełaruś da vialikaj biady
Infarmacyju pra dron, što zalacieŭ u Litvu, pieradaŭ Minsk
Kiraŭnictva Litvy taksama adviali ŭ schoviščy