Трамп заявіў, што мог бы лёгка стаць прэм'ерам Ізраіля
Прэзідэнт ЗША Дональд Трамп пажартаваў, што пасля завяршэння цяперашняга прэзідэнцкага тэрміну мог бы балатавацца на пасаду прэм’ер-міністра Ізраіля. Словы амерыканскага лідара прыводзіць Fox News.
Біньямін Нетаньяху і Дональд Трамп. Фота: AP Photo/Alex Brandon, File
«Можа, пасля таго як я гэта зраблю, я паеду ў Ізраіль і буду балатавацца ў прэм’ер-міністры. У мяне сёння раніцай было апытанне, у мяне [там] 99% [даверу]», — сказаў Трамп падчас прэс-падыходу.
Акрамя таго, кіраўнік Белага дома станоўча выказаўся пра прэм’ер-міністра Ізраіля Біньяміна Нетаньяху, назваўшы яго «вельмі добрым чалавекам».
«Нетаньяху — вельмі добры чалавек. Ён робіць усё, што я ад яго захачу», — паведаміў Трамп.
Чытайце таксама:
Вэнс: Ніводны з амерыканскіх прэзідэнтаў не зрабіў для Украіны больш, чым Трамп
Трамп заявіў, што гатовы зноў бамбіць Іран, калі дамовіцца з Тэгеранам не ўдасца
Трамп заявіў, што адмяніў новы ўдар па Іране па просьбе лідараў Катара, ААЭ і Саудаўскай Аравіі