Вэнс: Ніводны з амерыканскіх прэзідэнтаў не зрабіў для Украіны больш, чым Трамп
Віцэ-прэзідэнт таксама заявіў, што ЗША не могуць быць сусветным паліцэйскім, а хочуць быць добрым саюзнікам.
Віцэ-прэзідэнт ЗША Джэй Дзі Вэнс заявіў, што ніводны з амерыканскіх прэзідэнтаў не зрабіў больш для таго, каб Украіна выстаяла, чым Дональд Трамп, паведамляе Clash Report.
Амерыканскага чыноўніка журналісты спыталі, чаму ЗША ўзнагароджваюць Расію і караюць «свайго найлепшага саюзніка ў Еўропе», прыпыняючы разгортванне сваіх войскаў у Польшчы.
«Шчыра кажучы, не было прэзідэнта, які зрабіў бы больш для таго, каб Украіна выстаяла падчас уварвання Расіі, чым Дональд Трамп. Як ён сам калісьці сказаў: «Абама даў Украіне прасціны, а я даў Украіне «Джавеліны». І менавіта гэтыя «Джавеліны» забяспечылі тое, што Украіна дагэтуль захоўвае свой тэрытарыяльны суверэнітэт», — сказаў Вэнс.
Паводле яго слоў, Трамп хоча праводзіць палітыку, арыентаваную на інтарэсы ЗША, «і частка гэтай знешняй палітыкі — не ўзнагароджваць Пуціна і не караць такую краіну, як Польшча».
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў88
Каментары
[Зрэдагавана]