Абмежаванні на наведванне лясоў устанавілі больш чым у 50 раёнах Беларусі
Абмежаванні на наведванне лясоў дзейнічаюць больш чым у 50 раёнах Беларусі па стане на 22 мая. Больш за ўсё абмежаванняў устаноўлена ў Брэсцкай, Гомельскай і Магілёўскай абласцях. Сітуацыя можа змяняцца нават на працягу дня.
На сайце Міністэрства лясной гаспадаркі размешчана інтэрактыўная карта забарон і абмежаванняў на наведванне лясоў. З яе дапамогай можна аператыўна адсачыць, у якіх рэгіёнах часова забаронена або абмежавана наведванне лесу. Таксама даведацца інфармацыю можна па тэлефонах мясцовых органаў улады.
Рашэнне аб увядзенні і зняцці забароны і абмежаванняў на наведванне лясоў прымаюць мясцовыя органы ўлады па хадайніцтве лесагаспадарчых устаноў або раённых аддзелаў па надзвычайных сітуацыях. Звычайна яны ўводзяцца ў выпадку высокага класа пажарнай небяспекі і здымаюцца пры стабілізацыі абстаноўкі.
Чытайце таксама:
Замест елак у беларускіх лясах сталі высаджваць лістоўніцы
Пад Барысавам мядзведзіца нарадзіла ажно чатырох медзведзянят. Гэта вельмі рэдкі выпадак
Пад Гроднам рысь выйшла з лесу і пазіравала людзям на бервяне ВІДЭА
Простыя букеты бэзу пры пэўных абставінах могуць стаць залатымі