У Беларусі забаранілі прадаваць папулярную карэйскую локшыну

Гаворка ідзе пра вострую локшыну хуткага прыгатавання Samyang са смакам курыцы, перцу і лайма Hot Chicken Flavor Ramen Habanero Lime (яе часта ведаюць як Buldak). З 22 мая 2026 года гэты прадукт нельга ўвозіць у Беларусь і тут яе прадаваць.

Фота: danger.gskp.by

Прычына забароны ў тым, што спецыялісты знайшлі парушэнні ў складзе і маркіроўцы прадукцыі. У прыватнасці, у локшыне выкарыстоўваўся харчовы фарбавальнік рыбафлавін (Е101), які быў пазначаны недапушчальным чынам. Акрамя таго, вытворца не пазначыў, для чаго менавіта выкарыстоўваюцца некаторыя дабаўкі — той жа рыбафлавін і лімонная кіслата.

З-за гэтых парушэнняў локшыну прызналі неадпаведнай патрабаванням і забаранілі яе продаж на тэрыторыі Беларусі.

Каментары да артыкула