U Biełarusi zabaranili pradavać papularnuju karejskuju łokšynu
Havorka idzie pra vostruju łokšynu chutkaha pryhatavańnia Samyang sa smakam kurycy, piercu i łajma Hot Chicken Flavor Ramen Habanero Lime (jaje časta viedajuć jak Buldak). Z 22 maja 2026 hoda hety pradukt nielha ŭvozić u Biełaruś i tut jaje pradavać.
Fota: danger.gskp.by
Pryčyna zabarony ŭ tym, što śpiecyjalisty znajšli parušeńni ŭ składzie i markiroŭcy pradukcyi. U pryvatnaści, u łokšynie vykarystoŭvaŭsia charčovy farbavalnik rybafłavin (Je101), jaki byŭ paznačany niedapuščalnym čynam. Akramia taho, vytvorca nie paznačyŭ, dla čaho mienavita vykarystoŭvajucca niekatoryja dabaŭki — toj ža rybafłavin i limonnaja kisłata.
Z-za hetych parušeńniaŭ łokšynu pryznali nieadpaviednaj patrabavańniam i zabaranili jaje prodaž na terytoryi Biełarusi.