Самалёту кіраўніка Мінабароны Вялікабрытаніі заглушылі GPS-сігнал каля Расіі
Гэта адбылося яшчэ ў чацвер, 21 мая, калі Джон Хілі вяртаўся ў Англію з Эстоніі.
Джон Хілі наведвае брыгаду НАТА ў Эстоніі. Фота: Leon Neal/Getty Images
Самалёт, на борце якога знаходзіўся міністр абароны Джон Хілі, падвергся ўздзеянню сродкаў радыёэлектроннай барацьбы (РЭБ) падчас палёту паблізу расійскай мяжы, піша The Times.
Гэта адбылося яшчэ ў чацвер, 21 мая, калі Джон Хілі вяртаўся ў Англію з Эстоніі.
Крыніца ў Міністэрстве абароны Вялікабрытаніі лічыць Расію вінаватай у гэтым інцыдэнце. Аднак пакуль незразумела, ці быў самалёт міністра наўмыснай мэтай атакі РЭБ, ці проста трапіў у зону дзеяння глушылак.
Паведамляецца, што на самалёце знік спадарожнікавы сігнал, а перашкоды таксама прывялі да збояў у працы некаторых элементаў прыборнай панэлі ў кабіне пілотаў. У выніку пілоты былі вымушаныя выкарыстоўваць рэзервовыя навігацыйныя сістэмы для вызначэння свайго месцазнаходжання, бо асноўную сістэму нельга было перазагрузіць падчас палёту.