Samalotu kiraŭnika Minabarony Vialikabrytanii zahłušyli GPS-sihnał kala Rasii
Heta adbyłosia jašče ŭ čaćvier, 21 maja, kali Džon Chili viartaŭsia ŭ Anhliju z Estonii.
Džon Chili naviedvaje bryhadu NATA ŭ Estonii. Fota: Leon Neal/Getty Images
Samalot, na borcie jakoha znachodziŭsia ministr abarony Džon Chili, padvierhsia ŭździejańniu srodkaŭ radyjoelektronnaj baraćby (REB) padčas palotu pablizu rasijskaj miažy, piša The Times.
Heta adbyłosia jašče ŭ čaćvier, 21 maja, kali Džon Chili viartaŭsia ŭ Anhliju z Estonii.
Krynica ŭ Ministerstvie abarony Vialikabrytanii ličyć Rasiju vinavataj u hetym incydencie. Adnak pakul niezrazumieła, ci byŭ samalot ministra naŭmysnaj metaj ataki REB, ci prosta trapiŭ u zonu dziejańnia hłušyłak.
Paviedamlajecca, što na samalocie źnik spadarožnikavy sihnał, a pieraškody taksama pryviali da zbojaŭ u pracy niekatorych elemientaŭ prybornaj paneli ŭ kabinie piłotaŭ. U vyniku piłoty byli vymušanyja vykarystoŭvać reziervovyja navihacyjnyja sistemy dla vyznačeńnia svajho miescaznachodžańnia, bo asnoŭnuju sistemu nielha było pierazahruzić padčas palotu.