Двухгадовая дзяўчынка ў Слоніме выпала з 5‑га паверха
Няшчасце здарылася раніцай у суботу, паведамляе Следчы камітэт.
Скрыншот відэа СК
Маці пакінула дзіця без нагляду, пакуль знаходзілася на кухні. У гэты час дзяўчынка залезла на гульнявы кубік, які стаяў побач з батарэяй, узабралася на падаконнік і праз адчыненае акно выпала.
Заўважыўшы адсутнасць дачкі, жанчына выглянула ў акно і ўбачыла дачку, якая ляжала на зямлі. Медыкі хуткай дапамогі, што прыбылі на месца, шпіталізавалі дзіця ў цяжкім стане.
Як патлумачыла жанчына, дзяўчынка неаднаразова ўзбіралася на падаконне, таму ўсе ручкі з вокнаў былі знятыя. Аднак у дзень трагедыі жанчына забылася зачыніць акно.