Dvuchhadovaja dziaŭčynka ŭ Słonimie vypała z 5‑ha paviercha
Niaščaście zdaryłasia ranicaj u subotu, paviedamlaje Śledčy kamitet.
Skrynšot videa SK
Maci pakinuła dzicia biez nahladu, pakul znachodziłasia na kuchni. U hety čas dziaŭčynka zalezła na hulniavy kubik, jaki stajaŭ pobač z batarejaj, uzabrałasia na padakońnik i praz adčynienaje akno vypała.
Zaŭvažyŭšy adsutnaść dački, žančyna vyhlanuła ŭ akno i ŭbačyła dačku, jakaja lažała na ziamli. Miedyki chutkaj dapamohi, što prybyli na miesca, špitalizavali dzicia ŭ ciažkim stanie.
Jak patłumačyła žančyna, dziaŭčynka nieadnarazova ŭźbirałasia na padakońnie, tamu ŭsie ručki z voknaŭ byli źniatyja. Adnak u dzień trahiedyi žančyna zabyłasia začynić akno.