Іран заклікаў рыхтавацца да нафты па $200 за бараль пасля ўдараў ЗША
Уночы 26 мая войска ЗША нанеслі ўдары па двух катарах КВІР і ракетных устаноўках Ірана.
Фота: magnific.com
Пакуль ЗША працягваюць свае «ваенныя авантуры» на Блізкім Усходзе і паблізу Ірана, пра пагадненне не можа быць і гаворкі, напісаў у сацсетцы X афіцыйны прадстаўнік цэнтральнага аператыўнага штаба «Хатам аль-Анбія» Узброеных сіл Ірана Эбрагім Зольфагары пасля ўдараў ЗША па поўдні Ірана.
«Урад ЗША неаднаразова дэманстраваў, што разумее толькі мову сілы. Рыхтуйцеся да нафты па $200 за бараль», — напісаў ён.
Уночы 26 мая войска ЗША нанесла ўдары па двух катарах Корпуса вартавых ісламскай рэвалюцыі (КВІР), а таксама па зенітна-ракетнай устаноўцы Ірана ў порце Бандар-Абас.
У ЗША паведамілі, што катары мінавалі Армузскі праліў, а ЗРК была нацэлена на амерыканскія самалёты. Удары ЗША назвалі «абарончымі» і заявілі, што рэжым спынення агню працягвае дзейнічаць.