Iran zaklikaŭ rychtavacca da nafty pa $200 za baral paśla ŭdaraŭ ZŠA
Unočy 26 maja vojska ZŠA nanieśli ŭdary pa dvuch katarach KVIR i rakietnych ustanoŭkach Irana.
Fota: magnific.com
Pakul ZŠA praciahvajuć svaje «vajennyja avantury» na Blizkim Uschodzie i pablizu Irana, pra pahadnieńnie nie moža być i havorki, napisaŭ u sacsietcy X aficyjny pradstaŭnik centralnaha apieratyŭnaha štaba «Chatam al-Anbija» Uzbrojenych sił Irana Ebrahim Zolfahary paśla ŭdaraŭ ZŠA pa poŭdni Irana.
«Urad ZŠA nieadnarazova demanstravaŭ, što razumieje tolki movu siły. Rychtujciesia da nafty pa $200 za baral», — napisaŭ jon.
Unočy 26 maja vojska ZŠA naniesła ŭdary pa dvuch katarach Korpusa vartavych isłamskaj revalucyi (KVIR), a taksama pa zienitna-rakietnaj ustanoŭcy Irana ŭ porcie Bandar-Abas.
U ZŠA paviedamili, što katary minavali Armuzski praliŭ, a ZRK była nacelena na amierykanskija samaloty. Udary ZŠA nazvali «abarončymi» i zajavili, što režym spynieńnia ahniu praciahvaje dziejničać.