У мінскай «Даліне казак» скончыла жыццё самагубствам дзевяцікласніца
У ноч на 27 мая вучаніца сталічнай школы №11 пайшла з дому. А на раніцу знайшлі яе цела.
Зона адпачынку «Даліна казак». Ілюстрацыйнае фота: «Анлайнер»
Дзяўчынка павесілася на тэрыторыі зоны адпачынку «Даліна казак» (гэта ў мікрараёне Курасоўшчына). Недалёка знаходзіцца сярэдняя школа № 11 імя Жумаша Асаналіева, дзе і вучылася дзевяцікласніца.
У чым прычына, ніхто не ведае. Пра саму дзяўчыну знаёмыя кажуць, што яна была ціхая і мілая. Падкрэсліваюць, што сям'я ў яе добрая.
Бацькі запэўніваюць, што ніякага булінгу ў класе не адбывалася і станоўча апісваюць класную кіраўніцу. Некаторыя выказваюць здагадкі, што ўскосна гэта можа быць звязана са стрэсам, які дзевяцікласнікі адчуваюць перад іспытамі (сёлета яны пройдуць з 1 па 10 чэрвеня).
Дзяўчына старанна рыхтавалася да іспытаў і зранку ў дзень трагедыі была на кансультацыі ў школе.