U minskaj «Dalinie kazak» skončyła žyćcio samahubstvam dzieviacikłaśnica

U noč na 27 maja vučanica staličnaj škoły №11 pajšła z domu. A na ranicu znajšli jaje cieła.

Zona adpačynku «Dalina kazak». Ilustracyjnaje fota: «Anłajnier»

Dziaŭčynka paviesiłasia na terytoryi zony adpačynku «Dalina kazak» (heta ŭ mikrarajonie Kurasoŭščyna). Niedaloka znachodzicca siaredniaja škoła № 11 imia Žumaša Asanalijeva, dzie i vučyłasia dzieviacikłaśnica. 

U čym pryčyna, nichto nie viedaje. Pra samu dziaŭčynu znajomyja kažuć, što jana była cichaja i miłaja. Padkreślivajuć, što siamja ŭ jaje dobraja.

Baćki zapeŭnivajuć, što nijakaha bulinhu ŭ kłasie nie adbyvałasia i stanoŭča apisvajuć kłasnuju kiraŭnicu. Niekatoryja vykazvajuć zdahadki, što ŭskosna heta moža być źviazana sa stresam, jaki dzieviacikłaśniki adčuvajuć pierad ispytami (sioleta jany projduć z 1 pa 10 červienia).

Dziaŭčyna staranna rychtavałasia da ispytaŭ i zranku ŭ dzień trahiedyi była na kansultacyi ŭ škole.

Kamientary da artykuła