Бяляцкі назваў тры простыя ўмовы для зменаў у Беларусі

Нобелеўскі лаўрэат Алесь Бяляцкі ў сваёй прамове на ІІІ Кангрэсе палітзняволеных у Вільні акрэсліў тры галоўныя ўмовы для пачатку зменаў у краіне: вызваленне ўсіх палітвязняў, спыненне рэпрэсій і нацыянальны дыялог. Ён падкрэсліў, што беларусы, незалежна ад месца знаходжання, застаюцца адной сям’ёй, аб’яднанай прагай да справядлівасці, піша «Вясна».

Алесь Бяляцкі. Фота: «Вясна»

«Мы апынуліся за мяжой не па сваёй волі, але мы ўсе — адзіная сям’я. Нас аб’яднала беларуская турма, прага да справядлівасці і жаданне вярнуцца ў дэмакратычную Беларусь. Мы хочам не проста быць на свабодзе, мы хочам быць дома ў незалежнай краіне.

Заклікаю дыпламатычны корпус не паслабляць ціск на рэжым, пакуль не будуць выкананыя нашыя патрабаванні. Давайце не ўвязвацца ва ўнутраныя сваркі, бо задача спецслужбаў — нас раз’яднаць. Толькі разам мы з’яўляемся рэальнай сілай, здольнай дамагчыся зменаў», — падкрэсліў Алесь Бяляцкі.

Каментары да артыкула