Bialacki nazvaŭ try prostyja ŭmovy dla źmienaŭ u Biełarusi
Nobieleŭski łaŭreat Aleś Bialacki ŭ svajoj pramovie na III Kanhresie palitźniavolenych u Vilni akreśliŭ try hałoŭnyja ŭmovy dla pačatku źmienaŭ u krainie: vyzvaleńnie ŭsich palitviaźniaŭ, spynieńnie represij i nacyjanalny dyjałoh. Jon padkreśliŭ, što biełarusy, niezaležna ad miesca znachodžańnia, zastajucca adnoj siamjoj, abjadnanaj prahaj da spraviadlivaści, piša «Viasna».
Aleś Bialacki. Fota: «Viasna»
«My apynulisia za miažoj nie pa svajoj voli, ale my ŭsie — adzinaja siamja. Nas abjadnała biełaruskaja turma, praha da spraviadlivaści i žadańnie viarnucca ŭ demakratyčnuju Biełaruś. My chočam nie prosta być na svabodzie, my chočam być doma ŭ niezaležnaj krainie.
Zaklikaju dypłamatyčny korpus nie pasłablać cisk na režym, pakul nie buduć vykananyja našyja patrabavańni. Davajcie nie ŭviazvacca va ŭnutranyja svarki, bo zadača śpiecsłužbaŭ — nas raźjadnać. Tolki razam my źjaŭlajemsia realnaj siłaj, zdolnaj damahčysia źmienaŭ», — padkreśliŭ Aleś Bialacki.
Čytajcie taksama:
Aleś Bialacki sustreŭsia z Papam Lvom XIV
Aleś Bialacki: Vielmi rady vyzvaleńniu Pačobuta, ale nie zabyvajemsia i pra inšych