Учора вецер паваліў больш за 50 дрэў
28 мая па Беларусі пранёсся моцны вецер з парывамі да 21 м/с. Разгул стыхіі прывёў да падзення 51 дрэва. Пра гэта паведамілі ў МНС.
Фота: МНС
Выпадкі падзення дрэў зафіксаваныя ў Мінску, а таксама ў Брэсцкай, Віцебскай, Гомельскай, Гродзенскай і Магілёўскай абласцях.
Не абышлося без пашкоджанняў: у Гарадоцкім раёне дрэва, што рухнула, пашкодзіла дах жылога дома, а ў сталіцы пад удар трапілі два легкавыя аўтамабілі.
Ратавальнікі і камунальныя службы аператыўна выязджалі ва ўсе рэгіёны для распілоўкі і прыбірання завалаў. На шчасце, абышлося без пацярпелых.
Чытайце таксама:
Пад Смалявічамі ўчарашні вецер знішчыў вялікую цяпліцу, а ў Чэрвені сарваў дах з прыпынку
З-за шквалістага ветру без электрычнасці заставаліся больш за паўтысячы населеных пунктаў