Лета на наступным тыдні будзе прыходзіць паступова
Беларускі сіноптык Дзмітрый Рабаў у эфіры тэлеканала АНТ паведаміў, што ў пачатку чэрвеня ў Беларусь прыйдзе цяпло, але сапраўднае лета будзе ўсталёўвацца паступова і нестабільна.
Здымак ілюстрацыйны. Фота: «Наша Ніва»
Паводле слоў Дзмітрыя Рабава, з 1 па 7 чэрвеня тэмпература паветра ў асноўным будзе перавышаць +20 градусаў, аднак надвор’е застанецца няўстойлівым — магчымыя дажджы, навальніцы і парывісты вецер.
1 чэрвеня надвор’е палепшыцца, але на захадзе краіны магчымыя кароткачасовыя дажджы і навальніцы. Уначы будзе +5…+10 градусаў, удзень — ад +15 на ўсходзе да +25 на паўднёвым захадзе.
2 чэрвеня надвор’е застанецца няўстойлівым: зноў магчымыя дажджы і навальніцы, месцамі з моцным ветрам. Ноччу чакаецца +8…+13, удзень — ад +19 да +23 градусаў.
3 чэрвеня будзе воблачна з праясненнямі, магчымыя лакальныя дажджы і туманы раніцай. Ноччу +10…+15, удзень пацяплее да +21…+26 градусаў.
4 чэрвеня надвор’е пагоршыцца — прыйдуць атмасферныя франты з захаду, якія прынясуць працяглыя дажджы. Ноччу +11…+16, удзень +18…+23.
5 чэрвеня сітуацыя палепшыцца: дажджы спыняцца, стане цяплей. Уначы +11…+16, удзень — ад +22 да +27 градусаў.
У выхадныя, 6 і 7 чэрвеня, надвор’е зноў будзе пераменлівым. Чакаюцца кароткачасовыя дажджы і магчымыя навальніцы. Ноччу +12…+17, удзень — ад +21 на поўначы да +26…+27 градусаў на поўдні і паўднёвым захадзе краіны.
У цэлым, пачатак лета ў Беларусі будзе цёплым, але без устойлівага сонечнага надвор’я.
Чытайце таксама:
Велакарнавал «Viva, Ровар!» пераносіцца на наступны тыдзень
Пад Смалявічамі ўчарашні вецер знішчыў вялікую цяпліцу, а ў Чэрвені сарваў дах з прыпынку
Кароткачасовыя дажджы, вецер і +10°C днём. Надвор'е на апошнія дні вясны