Leta na nastupnym tydni budzie prychodzić pastupova

Biełaruski sinoptyk Dźmitryj Rabaŭ u efiry telekanała ANT paviedamiŭ, što ŭ pačatku červienia ŭ Biełaruś pryjdzie ciapło, ale sapraŭdnaje leta budzie ŭstaloŭvacca pastupova i niestabilna.

Zdymak ilustracyjny. Fota: «Naša Niva»

Pavodle słoŭ Dźmitryja Rabava, z 1 pa 7 červienia tempieratura pavietra ŭ asnoŭnym budzie pieravyšać +20 hradusaŭ, adnak nadvorje zastaniecca niaŭstojlivym — mahčymyja daždžy, navalnicy i paryvisty viecier.

1 červienia nadvorje palepšycca, ale na zachadzie krainy mahčymyja karotkačasovyja daždžy i navalnicy. Unačy budzie +5…+10 hradusaŭ, udzień — ad +15 na ŭschodzie da +25 na paŭdniovym zachadzie.

2 červienia nadvorje zastaniecca niaŭstojlivym: znoŭ mahčymyja daždžy i navalnicy, miescami z mocnym vietram. Nočču čakajecca +8…+13, udzień — ad +19 da +23 hradusaŭ.

3 červienia budzie vobłačna z prajaśnieńniami, mahčymyja łakalnyja daždžy i tumany ranicaj. Nočču +10…+15, udzień paciapleje da +21…+26 hradusaŭ.

4 červienia nadvorje pahoršycca — pryjduć atmaśfiernyja franty z zachadu, jakija pryniasuć praciahłyja daždžy. Nočču +11…+16, udzień +18…+23.

5 červienia situacyja palepšycca: daždžy spyniacca, stanie ciaplej. Unačy +11…+16, udzień — ad +22 da +27 hradusaŭ.

U vychadnyja, 6 i 7 červienia, nadvorje znoŭ budzie pieramienlivym. Čakajucca karotkačasovyja daždžy i mahčymyja navalnicy. Nočču +12…+17, udzień — ad +21 na poŭnačy da +26…+27 hradusaŭ na poŭdni i paŭdniovym zachadzie krainy.

U cełym, pačatak leta ŭ Biełarusi budzie ciopłym, ale biez ustojlivaha soniečnaha nadvorja.

Kamientary da artykuła