У Ваўкавыску прыгатавалі самую вялікую піцу ў Беларусі ФОТАФАКТ
У Ваўкавыску прыгатавалі самую вялікую піцу ў Беларусі, паведаміў расійскаму выданню Sputnik галоўны эксперт нацыянальнага рэестра Кнігі рэкордаў Беларусі Кірыл Шымко.
Фота: Кірыл Шымко
Прыгатаваў цар-піцу шэф-кухар Арыф Шамсіеў, а вырабіў Ваўкавыскі мясакамбінат. За гэта прадпрыемству ўручаны сертыфікат Кнігі рэкордаў Беларусі.
Прыгатаванне мега-піцы адбылося на мясцовым фестывалі «PROжарка па-ваўкавыску», а паглядзець на працэс прыгатавання сабралася шмат людзей.
Фота: Кірыл Шымко
Памеры гатовай піцы дасягнулі 5 метраў 50 см у дыяметры.
Фота: Кірыл Шымко
«Піца была прыгатаваная на спецыяльна зробленай печы на дровах з цаглінамі. Спецыяльна была вырабленая 6‑метровая бляха (дэка), на якой прыгатавалі такую страву», — расказаў Кірыл Шымко.
Назвалі страву «Італьянскай піцай па-ваўкавыску».
Раней, у лютым гэтага года, у Беларусі быў зафіксаваны яшчэ адзін ядомы рэкорд — на Масленіцу ў Баранавічах спяклі трохметровы блін-гігант, ён таксама быў уключаны ў Кнігу рэкордаў Беларусі.
Чытайце таксама:
У Брэсце выпеклі рэкорднае хачапуры ФОТАФАКТ
У Баранавічах на Масленіцу спяклі трохметровы блін ФОТЫ
На востраве Тэнэрыфе пабілі сусветны рэкорд па даўжыні каляднага дэсерту