Трамп дадаў сябе на гару з прэзідэнтамі ЗША
Прэзідэнт ЗША Дональд Трамп апублікаваў у сваёй сацсетцы Truth Social карцінку, на якой ягоны твар дамаляваны побач з чатырма амерыканскімі прэзідэнтамі на гары Рашмар.
Карцінка, якую запосціў Трамп
На той гары высечаны Джордж Вашынгтон, Томас Джэферсан, Тэадор Рузвельт і Абрагам Лінкальн. Барэльеф называецца «Святыня дэмакратыі» і быў зроблены ў гонар 150‑годдзя гісторыі ЗША.
Трамп перыядычна публікуе розныя карцінкі з сабой. Некаторыя з іх выклікаюць скандал — як, напрыклад, калі Трамп запосціў сябе ў вобразе Хрыста. Ён пасля выдаліў тую выяву і патлумачыў, што лічыў гэта роляй доктара.