«Я думаў, што я ў ролі доктара». Трамп патлумачыў, навошта ён запосціў сябе ў вобразе Хрыста
Дональд Трамп пракаментаваў скандал вакол выявы, якую ён раней апублікаваў у сваёй сацсетцы Truth Social і дзе быў пададзены ў вобразе, падобным да Ісуса Хрыста, піша CNN.
Па словах Трампа, ён не меў на ўвазе рэлігійны сэнс выявы. Трамп заявіў, што лічыў, нібыта на малюнку ён паказаны як доктар, які дапамагае людзям.
«Я сапраўды апублікаваў яго, і я думаў, што гэта я ў ролі доктара, і што гэта мае дачыненне да Чырвонага Крыжа», — сказаў ён журналістам у Белым доме.
Таксама Трамп сцвярджае, што інтэрпрэтацыя выявы як вобраза Ісуса — гэта перабольшанне, і так могуць рабіць толькі СМІ, якія разносяць «фэйкавыя навіны».
«Я толькі што пра гэта пачуў і сказаў: «Як яны да гэтага дадумаліся?» Гэта павінен быць я ў выглядзе доктара, які лечыць людзей. І я сапраўды лячу людзей», — сказаў ён.
Раней гэта фота выклікала шырокі рэзананс і крытыку, у тым ліку сярод ягоных уласных кансерватыўных прыхільнікаў. Пасля хвалі абурэння публікацыя была выдаленая.
Сітуацыя адбылася на фоне абвастрэння адносін паміж Трампам і Папам Львом XIV. Прэзідэнт ЗША крытыкаваў пантыфіка за яго пазіцыю адносна Ірана, у той час як Папа заявіў, што не баіцца крытыкі і працягне выказваць сваю пазіцыю.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары
Самое, кстати, для тебя занятие - по уму и возрасту. Сиди себе в Овальном кабинете, рисуй в уголочке, чтобы не мешать серьезным дядям слушать экспертов и заниматься сложными и важными делами.