Жыхарка Берліна стала сусветнай рэкардсменкай па колькасці марафонаў
Яна прабегла 367 марафонаў.
Bild
Напярэдадні 38‑гадовая Джойс Хюбнер прабегла свой 367‑ы марафон — рэкорд быў усталяваны ў федэральнай зямлі Ніжняя Саксонія, піша Bild.
Да гэтага першынства трымала 56‑гадовая бельгійка Хільда Дасанье, якая прабегла 366 марафонаў.
Аднак на гэтым Хюбнер спыняцца не збіраецца: да кастрычніка яна плануе прабегчы праз кожны з 2059 гарадоў Германіі.
Агульная даўжыня маршруту (з улікам ужо прабеглага шляху) складае больш за 21 тысячу кіламетраў, або 495 марафонскіх дыстанцый. Доўгі забег берлінка збіраецца завяршыць грандыёзным фіналам 8 кастрычніка на Алімпійскім стадыёне ў нямецкай сталіцы.
Свой забег Хюбнер пачала каля года таму. Дзеля яго дыпламаваная спецыялістка па бізнэс-адміністраванні звольнілася з працы. Да гэтага часу ёй удаецца пазбягаць траўм і сур’ёзных інцыдэнтаў.